“Их Хорум” зочид буудал нь Монгол улсын түүх, эртний Монголын эзэнт гүрний нийслэл Хархорум хотын туурийн залгаа, дэлхийн өвд бүртгэгдсэн Орхоны хөндийн соёлын дурсгалд багтдаг Эрдэнэ Зуу хийдийн газар нутагт, нийслэл Улаанбаатар хотоос баруун зүгт 343 км зайд байрлалтай бүтээн байгуулалт юм.

Манай зочид буудал нь Өвөрхангай аймгийн Хархорин суманд гадаад болон дотоодын аялагч, амрагчдыг тав тухтай, цэвэрхэн орчинд амраах болон тухайн сум орон нутагт зочлох үйлчилгээний салбарыг хөгжүүлэх, стандартын үйлчилгээг нэвтрүүлэх эрхэм зорилгоор 2016 онд үүсгэн байгуулагдсан.